15. (Day 5) 廈門 - 第一次回鄉記

原來從廈門返鄉下只要一個鐘, 我對鄉下既概念仲停留係遠古時代.   已經有上山既車路, 係唔駛爬山!!!   阿爸話鄉下係山頂再落少少.    車路迂迴曲折, 轉到頭暈

又越過高山又越過谷. 忍者身體似飛機. 天空任意飛

對面就係我地既袓居, 阿爸話呢度D 人都同姓,  隔離村有姓林, 再隔離村姓陳....

原來鄉下既屋俾古裝劇入面既屋同香港既歷史古屋 仲要古式古香,

柴房!?   中間 '大堂' 好大, 屋入面仲分好多間細房仔俾家人住.  D 床仲係歷史古屋個隻, 房好暗  點解唔整間房大d 呢 '大堂' 無用woh....

阿爸話佢以前返鄉下瞓過呢間房.  當地年輕人話叫佢地返鄉下瞓都唔習慣, 一般住一晚就走.

大門頂有條欄梯可上, 畏高既我都忍不住走上去睇.

 

O... 無考慮過陣間點落返去

上面係一個無任何圍牆既大露台.  原來以前用來養鴿.  但D鴿會食人地農作物既葉, 只好放棄.

曾祖父母既

墳就真係要爬對面無路行既山上,  要跨過d草叢行.  咁後代子孫仲會有人去嗎  真悲哀.

大門前一株會變色既花.

佢地話以前有養牛, 但牛會食人地既農作物.  一係就綁住佢, 佢地就決定賣出去.  宜定只剩下呢2隻鴨.   .門口有自己種既地瓜, 山後有D茶樹, 但山高不能提供茶樹好好既生長環境.

二佰問我地呢支家族線既袓屋以後點處理, 原來阿爺以前提過要留守一個人睇住袓業, 阿爸話無可能啦, 以後只可以掉棄.   真係自家既悲哀    其中一間屋既樓頂倒塌了一部份, 阿爸話唔好晒整.  但二佰話鄉下咁既情況會俾人笑自己屋企都不保, 就算無用都要整! 

仲送咗鐵觀音俾我地, 茶色唔會好深.  我地唔識飲茶, 都覺得好好飲啊.  


行程:
1. (Day 1) 出發往福州
2. (Day 1) 鼓山
3. (Day 1) - 西湖
4. (Day 1-2) 褔州往武夷山
5. (Day 3) - 武夷山 - 天游峰1
6. (Day 3) - 武夷山 - 天游峰2
7. (Day 3) - 武夷山 - 天游峰3
8. (Day 3) - 武夷山 - 九曲彎竹筏
9. (Day 3) - 武夷山 - 九曲彎竹筏2
9b. (Day 3) - 武夷山 - 九曲彎竹筏 video
10. (Day 3) - 武夷山 - 一線天
11. (Day 4) - 武夷山 - 龍川瀑布
12. (Day 4) - 武夷山 - 虎嘯岩
13. (Day 4) - 武夷山 - 水帘洞
14. (Day 4-5) 廈門美食
15. (Day 5) 廈門 - 第一次回鄉記
16. (Day 5) 回歸