Monday, January 28, 2008

香港比Liverpool更凍!!!

仲諗住香港會暖返, 點知返到香港比Liverpool仲凍


今日同鬼仔返大陸, 可能我同佢八字相沖, 舊年同佢去無帶passport, 今年就無帶褸. 一落常平火車, 我着咗咁多衫都覺得寒, 實凍死佢 原來只得6度, 比香港唔只少2, 3度 咁簡單.


後來才知鬼婆無乜食lunch 既原因, 事關見到雞頭就無胃口, 原來如此


米高搵咗部暖氣俾佢地. 我坐係一邊, QQ問我凍唔凍, 我身ok, 但手就好凍. QQ於是俾咗個好cute既獅頭公仔暖水袋俾我. 我貪玩俾鬼仔試下, 諗住跟住自己用. 點知俾佢拿去用足全場 我都無機會用


阿同事唔知個個係暖水袋, 奇怪佢男人老狗拿住個毛毛公仔做乜 Sorry arh...希望出年我唔好再害你啦





Sunday, January 27, 2008

SD card

貪平又買咗之前出問題既同一張SD card.  之前係AM730 賣廣告才識呢個'YES' brand - 1GB HK$58.  阿當同我一齊買, 用咁耐都無事, 我諗住上次有可能自己按錯相機掣搞壞咗張card.  估唔到今次唔夠2星期就出事. 好彩之前一日做咗back-up.    今次仲有工作既相, 好彩


Tuesday, January 22, 2008

馬莎cheese cake - highly recommended

5pm @ Liverpool - the wind can almost blow us up.   Looks like a storm is coming.  Should we go?  3 of us end up holding together to cross the road behind to retail park opposite for store visit..   




咁大風我都諗要唔要call 的士車我地返對面酒店.     差點放棄蓮絲推介既馬莎cheese cake - £2.19 每盒2件, 咁大個女都未食過咁好味既cheese cake.    點解香港馬莎無?   我地幾飽都要食晒, 仲有Lipton tea bag 配 cheese cake.





Sunday, January 20, 2008

Mr. Thomas' Chop House @ Manchester



蓮絲book 咗呢間於Manchester 市既餐廳請我地食, 唔算貴. 間餐廳好full, 一定要先訂檯. The best restaurant I ever have in UK. It seems my whole trip is worth again with this meal

http://www.tomschophouse.com





Appetizer - Mr Thomas's crispy Corned Beef Hash Cake - yummy!!!



 1st time to try Parsnip soup - great with bread!



Fish & chips - my favorite on chips Actual look of chips is better than my photo.



Fish pie with home-made beans.




Roast Beef - luckily we share all the dishes, or we won't be able to try different food.



Choco cake



with white choco and choco at the base. Suppose to share between 2, but we can actually share among 6!!!



The restaurant is so warm, see our winter and summer outfit



We start our lunch @ 2:30pm and we have to give up our dinner I end up slept @ 8:30pm, while my colleagues are earlier than me @ 8:00p.m. I woke up @ 4:30am the next day. Replying my boss' e-mail early in the morning, he told me to go to bed again. How can I go back to sleep after sleeping for 8 hours already???


Saturday, January 19, 2008

前往英國


係德國無睇電視, 係buyer口中先知一架BA777係London lose power 失事. D buyer 原先要係London 轉機, 臨時改往Munich轉機, 以防delay. 一早收到上海同事message, 話飛機delay. 原本打算等埋一齊坐車去Liverpool. 即我地要等4個鐘. 去到Manchester後我地掙扎要唔要存放行李, 出Manchester 市區走一走, 不過費用£5. 8pm關門. 最後我地覺得唔扺都係留係機場等. 由Terminal 1 行到Terminal 3, 先發覺佢班機又delay. 我地只好放棄等待, 先行回酒店. 之前book咗private 的士要£40. 最後佢差唔多11pm返到酒店, 無食飽. 好彩我地有打包俾佢.


Marriott South @ Liverpool - 我第一晚酒店要£65 (包早餐), 之後係£99 (唔包早餐). 早餐要加£14. 咁後幾日唔係俾酒店賺好多 Internet 又係好貴 - £15 for 24 hours.


酒店張床好軟好comfortable.




我搜索咗好耐, 終於係pillow 後面找到電掣 個位置雖然方便, 但費咗我一番功夫先找到.



琴晚無開大暖氣, 未天光就凍醒咗. 落去見到d熱早餐居然覺得好感動, 可見得自己平時唔識珍惜


公司就係酒店隔離, 我地先嘗試行去, 大約知道聽日要預幾多時間. 不過見到個close咗既細gate, 唔知呢度平日開唔開, 但放眼望去5分鐘路程內都無入口, 又大風, 我地只好放棄搜索.


星期日蓮絲自願同我地去store visit. 仲請我地食飯, 英國到處都係大減價. 蓮絲話英國生意差, 所以要大減價, 乜聖誕過後唔係減價時期嗎? 如果我有心買嘢, 應該都有收穫, 香港d 衫細細件, 我係度會容易買到嘢. 父親大人托買Clark. 我好快就選咗2對. 軼皮個對減到£34, Gore-tex 個對減到£59. 我記得上次幫老豆買好似£89. 店員都話好多中國人來買. 返到香港check無一樣樣, 價錢約HK$1300 - $1700. 早知就買多幾對返來香港賣!!!!


估唔到大家都有買禮物~








不過我只買咗俾英國同事, 我自己都有禮物呀! 佢地真係好~


亞美仲提我平時要收藏要包好, 唔係會氧化. 又學咗一樣嘢



原來北方新年有送中國繩既習慣




Friday, January 18, 2008

Last day @ Cologne

幾日都係5am醒, 唔再開電視, 因為都係German台, 打開Lap top check e-mail. 一開機就嚇親,



好彩可以自動修復, 仲諗住帶部lap top來會用唔到. Internet 0.30 euros per min, 19euros per 24 hours before noon. Check 完e-mail 都己經一個鐘, 先諗起香港己經返工, 可以同d friend msn.

行完show 我地就冒雨找同事托買既藥. 我地隨便在其中一個大站- Heumarkt落車. 行咗幾間Kiosk都搵唔到. 跟住打算食埋飯先返酒店. 本來buyer都有叫我地一齊食飯, 不過今晚係佢地vendor請食飯, 一大班人. 我地住得又遠. 只好推掉. 又唔駛成晚聽英文啦. 望咗幾間德國餐廳既德英文餐牌都無興趣, 決定都係走去食中餐. 阿當都叫我唔好係外地食中餐, 唔扺食. 不過呢間餐廳居然無令我地失望. 唔算太貴, 叫咗炒飯同家常豆腐都好好食. 亞美更喜歡有點spicy 的家常豆腐, 好懷念家鄉菜. 臨出發前我都知我會掛住媽子既住家菜.

亞美話泰國宜家規定單據上一定要有公司名, 唔可以係私人名, 下, 咁香港的士d電子單咪有問題lor. 聽講公司有一部份expense無得claim, 都損失不少. 點解咁似中國政府朝令夕改.

第一次見Tchibo 同 Plus. 估唔到Tchibo賣coffee, 仲有咁多唔同種類既貨品選擇. 不過呢間Plus 好細, 睇唔出佢係歐洲有3000幾間store.

星期六10am出機場前我地決定做一做 tourist. 不過今日既train要差唔多15分鐘一班. 我地只有非常有限既時間行. 好彩停咗雨. 我地早一個站落車, 經個d shop




去到教堂怱怱影完相就走. 如果可以行到河邊影就仲靚.






隔離仲有間5*酒店, 好大把Parasol. 居然咁大風都穩如泰山.




泰妹居然憑相片機憶記得呢度就係老闆舊年食德國豬手既地方, 可惜我地今早要走. 我地仲研究德國豬手英文係乜 – pig’s feet, hand or leg?




仲係車站附近間Kiosk搵到同事托買通鼻既藥, 害我地差d miss 咗班train.





我地一早book 咗車出機場. 係女司機, 諗唔到佢開得好快, 跟車好貼. d車都係Benz 車. 不用半個鐘就到機場. 比起飛時間仲有2個半鐘tim. 忘記咗cologne機場唔大, 可以有多d 時間觀光. 不過人生路不熟, 都唔夠擔亂來.

Cologne 機場有espirit, kiosk 仲有好多朱古力既choice. 試咗隻chili choco. 無乜特別, 係食食下有d spicy味. 諗住最後係Frankfurt轉機先買朱古力手信, 點知個度無咁多choice




仲見到有同事托買既藥, 一樣價錢. 早知今朝唔駛咁趕. 婆婆仲好好人, 提醒我地呢個係藥, 唔係candy!!!

Thursday, January 17, 2008

又餓又累的一天


係飛機都唔知有無瞓過覺, 即刻行show, 好彩都無乜jet lag. 估唔到show ticket 咁貴, 2-day ticket 要37euros + tax. 一般Asia show 有invitation都係free of charge. Ticket 就包public bus + train 免費. 我地算住得遠, 要25分鐘train. 好彩酒店行過去Train Station 都係幾步路, 日日搭的士就溶啦. Train 都好方便. 5分鐘一班. 人又唔多, 都有位坐, 又唔駛轉車, 順便觀光cologne 市景, 好快就見到cologne 地標 – 教堂.





D buyer 着短tee, 我地則着厚冬裝. 出門之前阿媽仲同我嘈要我帶多d 厚冬裝, 我都掙扎着要唔要帶厚羽絨, 好彩無, 當地俾我想像中暖好多. 否則提2日實累死. D buyer 仲問我地點解唔放係cloak room, 存放cloak要1.5euros. Sterling 對euros 當然好好多, 對港紙好高啊, 我地唔想晒, 只好怪相地提着.


個Show 俾想像中更靚, 更trendy. 當然高級產品更貴啦. 老闆叫我影相影得越多越好, 老闆你個任務俾想像中艱難, 個show 係禁止影相, 咁多人行出行入, 我既手機終於有用啦.


我覺得show內有d人歧視中國人. Buyer 都話佢自己行無人問佢拿business card, 同我行個個都問. 無法啦, 鬼叫中國人copy得咁快.


Show內都係sparkling water, 無regular water. 3.3euros 一支, 好貴呀!!!





我地Asia只得2位同事去, 同一大班鬼, 我地2人要隔一陣就要swap一次, 仲無lunch食. 根本同各buyer傾唔到好多, 返來點同老闆交差. Show內有好多movenpick 車, 最後都食到雪糕, 個waffle cone好脆, 1.8euros比香港平. 最攪鬼係d鬼收到關於香港office 既風俾我仲快. 我開始仲同佢地講無可能既事呢.



Cologne Hotel - Mercure Hotel Köln Junkersdorf

的士返酒店要38.7 euros. 早上7am依然好似半夜, 馬路上己有好多車, 更有好多大貨車, 好有壓迫感. 8am到酒店, 之前有e-mail問酒店可否early check-in, 無回覆. 酒店話前一晚full, 要3pm 先可以check-in. 不過早上有好多人check-out wor. 好彩都有洗手間可以俾我去show前整理下.



泰妹亞美就慘, 佢package係要去frankfurt, 再轉火車去Cologne. 之前問過基拉佢話我行李重就唔好選呢條路, 因為搬唔起行李上頂架storage. 亞美check-in個陣counter話可以係cologne pick up 行李. 去到cologne話己經無呢個service, 行李要係Frankfurt claim. Cologne – Frankfurt間既火車要1 個鐘呢!!! 佢仲着緊短tee o… 我都要先借件衫俾佢行show用. 好彩大褸跟身, 唔係就凍死. Airline話會送到酒店, 不過唔保證當日送到


上海同事申請不了德國visa, 臨時取消了德國行程. 秘書小姐又用咗我個名幫晒各人book房, e-mail 過去想取消booking又無反應, 即係我又要同酒店交涉啦 不過reservation manager 都係say no, 話我地係thru佢agent book wor.


行完show返酒店好彩亞美既行李到咗. 老闆話佢舊年住個間酒店唔好, 幫我選咗呢間3* 酒店. 除咗離show有點距離. 酒店好新好乾淨, 比想像中好好多. 多謝大佬!!! 大家都話cologne既酒店只及大陸既賓館, 又無bar晚上可以坐底傾計.





係唔知點解企缸無燈.




早晚都落雨好凍, 附近又無嘢食. 我地只好留係酒店食 不過好貴. 除咗Brocolli cream soup 好飲外, main dish麻麻. 早餐反而好好食. 有好多麵包sauce選擇.

Munich Airport

Munich 既機場好大好靚, 好似高科技工業園, 有d boarding pass 有bar code, 好似香港智能身份證可以自行過gate. 亦有好多brand既時裝店, 例如Max Mara 可惜5:30am天都未光當然未開門. 間便利店都算大, 好光猛, 好多貨品好整齊 (好多款既Lindt朱古力, 好靚既teddy bear....), . 可惜我只有30分鐘轉機, 否則我一定有收穫. 在未知gate既位置我只好繼續快腳走


走到後來偌大的機場好似只有我一個人走. 機場廁所亦好多, 咁大既廁所又係我一個人入去. 不過好乾淨, Grohe既衛浴設備都好新好襟用.



一路上都有好多小café, 旁邊仲有好多免費報紙, tea bag都有好多選擇 – fruit tea, jasmine tea…... 香港機場如果學習, 恐怕中國人不把所有免費物品拿走才怪.


往Cologne 既班機乘客好少. 阿媽仲話希望我今次旅程識到男朋友, 不過我前後左右都無人. 我都未去過munich, 今次又坐到窗口位影相.


Cologne 既機場俾Munich細好多. 都有好多廁所. 但廁所門似雜物房多d. 門口細細個, 同德國人既size唔match. 一開門竟然就係得一格.


Lufthansa


今次係第一次搭Lufthansa, 亦係公司cut down budget 後第一次出遠差搭economy. 聽了廣播後, 才知道Lufthansa 的讀法 – lu-f-攤-sa. 走過頭等倉d seat 位好寬闊, 德國人都應該好高大. 可能今日班機唔多人, 中間既頭等位都放咗個tray, 可以放杯. Economy 當然相差十萬八千里. 不過坐底後發覺都唔係太細. 架機都幾靚, 起飛同降落都好平穩 . 機倉氣溫剛好, 平時一上飛機就大傷風既我今次竟然無事.個安全帶扣同其他airline既好唔同, 差d唔識用. 電視既廣播指導當然係德文行先.

Dinner 食咗Marinated Beef with pepper sauce. 出奇地好食. 以為只有Asia 既airlines d 食物先可以食得落肚. 不過臨瞓前食就好heavy la. 我亦叫咗支德國啤 – Warsteiner. 諗住飲完會好瞓d, 都係瞓唔到. 開頭都好飲, 不過好大支, 俾一般青島大差唔多一倍, 我只飲到一半. 最開心又見到奇華既合桃酥. 可借係後來的短程機, 又係食凍包.



美中不足係竟然無personal TV, 仲要係走廊頭頂上既細電視, 點睇呀??? 又唔係d 好想睇既電影, 好彩架機唔滿, 隔離無人坐. 班機好少亞洲人, 我好似去咗第2個世界. 恐怕大部份香港人會選乘其他airline. Lufthansa唔係under asia miles, 今次claim 唔到mileage, 真係晒.


Lufthansa既所有航班都好準時起飛, 真難得. 佢地上機時間亦唔見得俾其他airline 早, 有d 航班都好多人. 之前仲擔心半個鐘頭轉機唔知d 行李轉唔轉得切, 阿媽都提我把日用品跟身以防萬一, 希望唔似London Airport 咁亂.


不過坐長途機依然痛苦, 以後都係去近d既地方好, 特別係老豆媽子就唔好再忍受長途機之苦. 我架機就有一位baby, 泰妹架機有2位. 真唔明d人帶baby上機, 降落個下baby 都應該辛苦啫, 點解要baby 同我地一齊受難呢


除咗香港往Munich既航班, 其他空姐同地勤人員都好好笑容, 同我認識既好cool 既德國人好唔同. 仲可以學返幾句德文. 係香港機場我仲貪玩買咗本Lonely Planet 既German Phrase book, 返到香港恐怕又擺埋一邊

Wednesday, January 16, 2008

大頭蝦自己嚇自己


己經2年無去英國出差. 以前都係係天氣溫和既5月或9月過去. 以前就話想去睇下cologne個展, 或者順便stay behind睇musical 或探朋友. 宜家要係寒冷既一月去, 怕凍既我嘗試turn down失敗. 以前都有老闆同我一齊過去, 今次香港office 只有我一個人去. 我從不喜歡一個人踏上旅程. 這份不安卻把我變得笨笨的.


第一件傻事就係我去到機鐵站忽然發覺銀包無咗張身份證. 心諗係咪自己多手把身份證留在書台上. 望住1袋2袋行李, 都唔知點算好. 今次都己經少帶好多document, 都唔知點解個行李仲好重. 仲有一刻諗住自己今次真係唔駛出trip.


本來call 咗老豆返來車我, 亦擔心老豆找唔到地方掉頭, 跟住見到有的士就跳上車, 同老豆講返屋企等我. 在的士上我再搜一次銀包, 竟然俾我係八達通後面搵到張身份證. 我自己幾時咁擺一d印像都無. 嚇親老豆媽子, 真係唔好意思 同司機講調頭返機鐵站, 連司機都問我到底要去邊. 去到中環橋底有消防車阻路, 原來天橋上有垃圾桶焚燒, 都應該係煙頭引起, 害我本來不安的心情對前程更不安心. 好彩之前預多咗時間出機場, 去到check-in counter, 櫃台小姐話呢班機會準時起飛. 去到Munich 我只有半個鐘轉機, Travel agent 話如果搭下一班機要俾貴d.


第2件傻事就係我係Munich 轉機時, 只記得放下背包過x光, 見靚仔海關哥哥無開輸送帶, 心諗佢係咪要睇埋Boarding pass, 同佢你眼望我眼, 最後佢提我仲有個斜mee 袋, 仲要除埋大褸過x光. 大褸都要除好嚴格, 不過斜mee 袋都唔記得, 我真係傻咗啦


今次怕悶仲帶埋laptop 過去. 係香港機場又買咗Dan Brown 既Angels & Demons, 原來宜家連laptop 都要拿出來放在膠箱過x光. 有位海關哥哥仲問有無腰 belt, 過關要check 既嘢越來越多

Sunday, January 13, 2008

高興過頭

前一陣子都無逛街. 最近就補返數, 不停買嘢. 今日睇中咗一條日本入貨既 fashion鏈, 响sales 姐姐手上拿來望了一眼就俾買. 返屋企途中先諗起無望清楚鏈既size. Display 個條好似好短. 返到屋企就急不及待拆袋check清楚, 好彩條鏈都好長 真想去日本逛街

Friday, January 11, 2008

如何做個快樂工作人?

出貨季節同Selection meeting 前夕, 芝麻綠豆既小事特別多, 稍不留意就變成大事  人也變得好勞氣   最近同人講完電話先發覺自己既語氣越來越不客氣.   自己脾氣再好, 都無法可以做到好似天塌下來都唔關佢事既人.    到底佢地點解可以咁心平氣和地辦事    對我變成一門好深既學問