Tuesday, February 26, 2008

奇蹟

好開心, 琴晚試下用返先前short咗既SD card, 居然 load 得返大部份既相.  奇就奇在明明已經re-format過張card.  點解仲有資料存在


 


可惜琴晚已經攰, 只係抽起一小部份珍貴既旅行相同鄉下照.  今日返公司繼續試, 居然話要re-format個張card.  返到屋企再試都係同樣情況.  終於都係要放棄 + 毀滅呢張card.  以後都係唔再用呢個 'YES' 牌子.  都唔明宜家唔同牌子 既價錢都差唔多啦, d quality 真係有分別?  定係我真係咁黑仔.


父親大人拿出400萬像相機, 居然又開到機.  睇落部相機都係凍親


Sunday, February 24, 2008

Enchanted – 魔法奇緣

終於可以睇呢套電影, 最近都上咗癮睇咗幾套戲.  可能今次有expectation, 套戲反而無我想像中咁好.  戲中既白雪公主同老鼠蟑螂, 我實在無法聯想在一起, 太恐怖了.  還記得上星期係樓下巴士站見隻老鼠過馬路, 難道老鼠真係咁聰明不過我都佩服劇本夠特別只係唔知到底d小朋友明唔明呢套電影裡大人既世界呢



最喜歡係New York高樓內Ball 廳嗰一幕, 可望到市區夜景好靚, 好似Beauty & the BeastBelleBeast跳舞既舞台.  係現實租金昂貴既N.Y., 到底有無咁既地方, 還是只是上流人既玩意


Enchanted Soundtrack Page

Enchanted - True Love's Kiss
By Amy Adams & James Marsden





日本版



Enchanted - Ever Ever After
by Carrie Underwood



Enchanted - All Songs Together (Instrumental Version)

How Does she know?



拜年日

天氣和暖這幾天都可以早起, 星期五那天居然8:40am返到公司.

琴日幾班朋友都約咗拜年趕緊去完東涌就去薄扶林係東涌食咗椰林閣既海南雞飯, 賣相唔錯, 不過隻雞就唔好食朋友既2小姐生日同我父親大人同一日, 雖然我都係同一個月生日, 不過點解我地既性格咁唔同唯獨有一點一樣, 就係我地都係坐唔定.

NakMonkey 帶咗Nepal既相出來. 我好鍾意NakMonkey 係當地買既呢個橙色相薄. 我第一份工既同事已經話我知Nepal係佢去過最靚既地方. 不過要找人一起去唔容易啊! 希望不久將來有機會成行 







最後我都趕唔到順風車只好自己搭車入薄扶林..  銅鑼灣隊等車有好多人啊有咁多人入去睇戲嗎不過我地遲咗 '咁' , 女司機唔理我地第2下鐘聲, 繼續開車下一個站好遠啊未食飯就先行一段山路, 上到去都出晒汗.  好彩停咗雨.


媽子琴晚亦有攪大食會, 我當然拜託佢整多盤大菜糕父親大人仲order多咗糯米雞俾我帶走變成我地既頭盤可惜今次book唔到badminton court. 




晚餐我地打邊爐估唔到有我至愛既蟹粉魚丸啊.  打邊爐用既豆漿湯底我都係第一次試, 其實唔係好食到豆漿味, 不過估唔到用來打邊爐好 '正'.  仲有四方形既芝士丸, 我都係第一次見食個陣入面d芝士超熱, 不過好好味有朋友唔食牛, 亦買咗駝鳥肉最開心係有2大碟豆苗同唐生菜.  d唐生菜好大塊葉, 問主人家先知唐生菜個盆都有3棵咁多!!!  都係平時打邊爐少叫既食物初時仲擔心唔夠丸, 最後我地都要好努力以赴咁清晒d食物.   好飽啊.

食完飯當然要Wii一下.  Wii d 遊戲真係會教壞細路啊坐係側邊既我俾個未用個facebook既朋友睇, 結果引晒成班人過來, 又一起懷緬以前讀書的日子大家合力把失去咗既記憶組織起來.



雖然搭咗好多長程車, 不過估唔到今日收咗好多利是好多都俾咗雙封, 多謝大家啊. 祝大家新一年快快樂樂, 賺多d, 唔好咁辛苦; 有小朋友既快高長大; 單身既可以找到自己既理想對象

雖然好飽咁瞓覺, 不過唔知點解今日一起身就覺肚餓
.  .



Friday, February 22, 2008

倉頡指住查

寫咗blog一段時間, 都有一d中文字都仲未識打.   打中文唔熟又打得唔快.  發現咗呢個倉頡指住查.   希望我用熟將來用倉頡可以打字快d啦.


http://hk.myblog.yahoo.com/m07joyce/article?mid=692  或


http://tw.myblog.yahoo.com/jw!9kUaDYaWFBhXEhBBQ61H/article?mid=85


PuriCute

今日又試咗另一個方法整 Photo frame.  實在太多 choice.   


http://www.puricute.com/


 


用法可參考以下呢個網址:


http://hk.myblog.yahoo.com/iam-pinkpanther/article?mid=5956



Thursday, February 21, 2008

SDIL Vs KAL Football Match

http://hk.myblog.yahoo.com/keroppi_pretty/article?mid=4295


重物墮地???

平時俾阿媽成日話要將d 嘢擺好, 咁耐以來都無聽入,  琴日終於自作自受.  事發琴日工作問題多多, 急急腳係位要行出去拿print out.  行前一步就發覺隻腳俾後面袋繩絆住.  己經知道自己要跌倒.  以前聽過一d朋友講PK既經過, 諗唔到今次終於發生係自己身上.  最怕係頭撞到台, 想嘗試扶住2邊既台.  無奈跌勢太快.  都聽過d朋友試過跌破眼鏡玻璃弄傷眼角膜. 好彩我仲可以立即將手往前伸, 否則可能屈親手, 頭亦無撞地..  成個人就'啪'一聲扒咗係d位正中間既走廊


 


同事趕忙叫我唔好馬上起身, check 清楚有無受傷.  我結果不動倘在地上約5, 又嚇親同事以為我受重傷.  老闆聽到巨響, 走過來問係乜嘢重嘢跌咗落來一定係我係寒冬同新年食得太多嘢, 個人都重咗好多.


 


後面條長袋繩唔知幾時伸到坐位旁.  好彩唔係絆到大肚婆.  亦好彩只係膝頭有少少瘀, 比我想像中好好多.  不過今朝起身仲發覺雙手舉起時好似打完波般酸軟.  難道跌倒既動作有咁大運動量???  應該唔係內傷掛   我以後唔敢亂放嘢啦.    前天才又有心跑步, 現在又可以休息一段時間lu.  


Wednesday, February 20, 2008

千兩 encore

又一餐生日飯, 今次去咗尖咀既千兩 我地驚多人. 一放工就走.

D sushi 依然無另我失望, 超好食. 今次仲叫咗一客雜錦甜薯薄脆, 比我至愛既薯片仲好食啊. 特別係d牛蒡最'正'.




食完後有齋牛蒡係迴轉帶出. 臨走前各樣sushi都出來. 走個陣都無人等位, 下次可以weekday再來呢間.

食完後我買咗好耐無食既芒果Pancake返屋企食. 不過今次塊皮麻麻地好食.

返到屋企仲可以睇和味濃情. 之前無打算睇. 新年係auntie屋企, 先發覺呢套劇好好睇, 就開始追. 好鍾意佢地係日本影既谷景, 唔知係日本邊到呢 

Monday, February 18, 2008

感人新聞

最近看了幾篇令人感動既新聞:


 


1 先係胡總一班人連夜趕去災區, 處理災區事情.要人半夜危險趕路,很累啊! 更深覺自己活在幸福中.


 


2 肥姐逝世,仲記得肥姐去年既友情相聚節目, 還能夠見到咁多朋友,真難得. 反而看到宜家好多人都無珍惜友情, 感到十分可惜.  


 


看見父母親既朋友可以幾百人相聚, 我地約幾個人都難. 難道上一代做到既, 我地就不能嗎?  看到原本相好既2個朋友, 突然互相不理睬, 十分心寒. 


 


 


Sunday, February 17, 2008

Jumper - 越空行者

好難得一連2日都同皇阿瑪一齊.  我地都想睇Jumper, 我當然又選去 Grand Cinema睇.  睇早場都只係$30.  

睇睇下先認得位男主角就係星戰前傳扮演Anakin Skywalker Hayden Christense.  過套戲就係不停飛來飛去, 劇情不足.  除咗各國既美景外, 都唔值得睇呢套.  今次係係大影院睇, 仲要坐側邊位, 效果無上次好.  套好似未完, 應該會有第2集.

睇完後我覺得唔甘心, 愛麗絲琴晚call過我睇戲, 我都躊躇好唔好一日睇2.  打俾佢check到太古城魔法奇緣只係賣出幾個位, 就無上網訂票.  20分鐘去到後, 發覺只剩下前面側邊幾個位, 只好失望而回.  



Saturday, February 16, 2008

再見四百萬像相機

自從忍唔住買咗新相機, 就將舊相機 Casio Exilim 打咗入冷宮.  半年無用唔單止無晒電, 仲連開機都開唔到, 話係 system error.   如果擺係公司keep住用, 或者仲可以用.  睇黎要送俾收買佬 lu.

幾年無同皇阿瑪行山. 今日皇阿瑪趕時間, 短短地就帶皇阿瑪去咗道風山. 皇阿瑪當然鍾意我既推介啦. 行完山約埋小燕子係沙田食飯. 佢買咗9xx既Canon digital camera. 科技真係永遠都趕不上啊

最近既藝人照事件, 攪到我都唔知點處理壞咗既手機.

沙田今次既裝飾好靚呀