死肥仔

好耐無打羽毛球.   朋友來電相約, 仲叫埋一班人好興奮咁去香港公園個場.  點知去到先發現, 唔係book7pm場, 係7am場

失望之餘, 好彩看守球場既阿伯提我地可以轉打乒乓波.   原來球場有乒乓球拍同乒乓波供應. .  羽毛球拍都有, 不過羽毛球貴就無啦.   唔知係咪個個場都有. 

結果我地一行六人就book晒成個乒乓球場3張台.   好彩大家既球技都不相伯眾   球場伯伯仲特登拿多3個乒乓波入來俾我地.   佢真係好好人   忘記咗奧運月唔駛俾$$$啊, 唔怪得唔收$$$

今晚亦係家好月圓大結局, 打完波後去朋友屋企睇.  外賣新竹源越南菜, 仲送一大盒椰汁黑糯米, 正~  可惜怕熱氣, 好想食牛油雞翼

亦係第一次同糯米糍見面.  可惜今日無帶相機, 佢咁黑, 好難影.   今日糯米糍有好多動作可以影靚相.   可惜用手機d相唔靚, 只post2張比較好既.  

佢咁黑,

我諗我半夜起身去廁所會俾佢既發光眼嚇親,

或者睬到佢.

主人話糯米糍好少坐定定俾人影
唔好俾呢張相騙
佢雖然頭細, 不過有個乒乓波肚......
個口好大, 牙又利. 
所以佢主人叫佢........... 死肥仔

又似Tuxeto
又似熊貓
蝙蝠都得