生活日誌

自從開始寫blog後, 比較留意日常生活鎖事.  先發覺每日發生既事都唔少.  亦在籌劃將來的行程.   攪到自己越來越多嘢做啊 

Sony Vaio Laptop

今日去咗Sony service centre 幫人攞嘢.  見到部粉紅色既Vaio 11" lap top好靚呀, 仲有粉紅色既mouse配襯, 好想買呀  不過個mon好似好flimsy, 比較驚 lor.

http://www.sony.com.hk/vaio

深圳行程

今次米高帶咗我地去食 Fusion 嘢.  原來就係Wal-mart 總部個邊.   唔記得咗間嘢叫乜名.  一來就上杯Plum juice.   幾好飲.   

呢度d食物都好食.  可惜無影相, 話係川菜, d嘢食唔spicy.  唯一係冰鎮芥蘭木耳無味道.

今次我地住係深圳南山區既中南海悦大酒店.  酒店大堂於16樓, 樓下係office.     酒店2006年裝修, 房間乾淨.   是日普通房RMB$376, 露台房RMB$480.

http://hotels.ctrip.com/Domestic/showhotelinfo.aspx?hotel=44919

最好笑係客人既有露台房間,  房間己經大. 露台居然同房間一樣大.  不過露台係俾3面高牆圍住.   露台唔係俾你向外望, 而係向上望星空.  可能因為附近係舊區既關係.  

唔理幾點鐘瞓, 最近都好早醒.  今日仲離譜, 6:30a.m. 就醒, 可能張床比較硬既關係.  攪到人都好攰呀!   呢張係一早開窗簾所看到既景色.

第2日米高原先想帶我地去食早餐既酒家無開.   可惜經過春滿園又走過頭.  最後又去到老遠5星Kempinski Hotel, 不過只係大廳超大, 食物麻麻.

今次先知從深圳搭船去香港機場, 係要有機票先上得船. 

昂平360 (2) - 心經簡林

係昂平市集竟然有棵假樹, 有乜作用

我地就係昂平市集食飯.  不過d餐廳都細細間, 間間都係得幾張台, 仲有企位既台添.  我地結果去咗食日本拉麵, 都好快有位, 似乎係昂平市集食嘢既人唔多.  不過d拉麵麻麻地.    

無乜心機影相, 又唔係第一次去大彿, 無影.   臨走前發覺有個地方係我從來都唔識既 - 心經簡林.  原來於大彿旁有條小路過去, 都有日本遊客特登去架.  日本遊客比我仲熟啊

原來行入去有好多細餐廳, 早知就係呢邊食啦

昂平360 (1)

今個星期無約到行山, 幾個朋友都腳痛.  見到人地既攝影手記先記起自己仲未去昂平360.  難得呢幾日天氣好, 應該會晴朗, 可以影到景; 估計亦唔會太大風, 吊車會安全掛

一早起身望見窗外既煙霞, 都心大心細好唔好去.   最後都係去咗.  係吊車站望向東涌, 都幾靚呀