Travel: 26. (Day 6) 往Mykonos出發

Sunday, September 2, 2007

26. (Day 6) 往Mykonos出發

我地既船係11:50am出發往Mykonos.原本酒店要我們10:15am出發.　我地覺得太早了．碼頭又沒有什麼可做問酒店的士價錢要15euros只係短短15分鐘左右路程．酒店還說我們沒必要花這些錢．最後跟酒店要求10:30am才出發．　臨離開前我們和Christine告別．或者在Mykonos有機會再見.Christine昨天亦問了Travel Agent zakinthos的地點.希臘實在太大了.臨出發前, 大佬問我去幾耐, 我話希臘10日,佢無法想像到我怎可在希臘度過10日.

臨離開時問酒店什麼時間來希臘最好, 佢話宜家最好邊到好玩, 佢話everywhere is similar, 建議Paros, 好多beach.

我地到咗碼頭見時間尚早, 只好光顧café.點了杯Iced Coffee, 點知又係Iced GREEK Coffee, 超甜同好thick.H+T既Mocha都好似變咗朱古力.都飲唔到簡直浪費$$$.碼頭的指示依舊不清楚.邊班船係我地既船完全無指引問俾人團團圍住既coast guard才知要在gate.頗混亂.見到有人拖住行李跑去追船, 可惜只能看着船離開.排隊既人龍好長又曬.後來有個職員叫我地往前去, 先可進入唯一既侯船室內

我地搭既 Flying Cat

Flying Cat 有2 個入口, 細行李可以係度上, 船艙內有行李架.

大行李要係後面上, 寄放在船艙外.

船好多人, 好擔心Mykonos人太多, 好彩之前同Pacific Travel訂咗船票.不過到Ios好多人落船Ios個島建築物唔多, 好寧靜, 心諗自己未必識應, 可能會無聊,

Flying Cat就無deck, 要隔住window影相.

Mykonos 個 port. 好多人係度sell 酒店, 不過無其他人講到多到咁誇張. 可能d酒店都唔憂做.

到咗Mykonos,酒店pick-up要收15 euros per person (round trip) 我地人多唔化算只好搭的士. 等的士條龍排得好差, 一堆人就站在馬路上聊天等的士, 阻住d車入碼頭,場面混亂. 的士又不多, 唔知要等幾耐.為安全起見, 我走到另一邊無咁多人既地方等車. 無諗到呢邊原來就係龍頭. 等咗一陣,剛好有架的士停在我地面前, 我望了一望龍頭既鬼佬, 佢亦望住我地, 跟住我就不客氣上車. 再抱歉地望住佢時, 佢同我地講, 佢都等咗好耐的士

對面就係所謂既無的士既的士站. 企咗一堆人個邊係車場入口同龍尾