第一次爬山

上次行釣魚翁, 可能係3年前既事.   個次都有10幾人, 今次我地都約到7人行.

唔知點解我對釣魚翁既印象好少, 只有幾個點.

初時諗住7人入面, 最多只有2人行到呢個山
上次10幾人都係得3個人行
點知呢班唔知係乜人, 男男女女都話要爬山
佢地既背包又唔係輕, 仲有一位女子帶埋好重既靚靚相機.
叫我令住部相機影相都重啦, 仲要爬山喎

畏高既我, 只好一邊驚, 一邊爬
個山呈3角形, 我左右2邊都唔敢望
只係望住我正前面, 即係我手位既沙石

返到屋企先見到連手背位有個瘀位, 真係未聽過


個山都無想像中難爬, 唔駛要上好高

來到呢度, 我即刻坐底,
望都唔夠擔望落山
亦唔敢企身影相
借咗朋友張相, 後面似懸崖既就係落山既路
我好驚呀
(中頑童 -  呢個blog上山相精彩)

 我地根本就睇唔到落山路
我就係坐住落咗半個山

初時諗住落山個邊會好斜仲驚,
好彩無上山個邊咁斜, 我先無咁驚
仲可以幫大家影相
俾d沙攪到我對鞋都係沙
手手腳腳, DC 都係沙
真係玩滑梯咁滑落去

落到山腳先見到呢個牌

唔知點解我對呢度無乜印象,
幾年前我地應該有行呢度.
成條路線同我地幾年前行個陣都有d唔同

本來好舒服既郊遊徑,
爬完山後大家都懶得再行
係上日落山前我地先出返清水灣道
臨尾仲要落一段樓梯級

最後當然去布袋澳食海鮮
好耐無食咁豐富既海鮮
我都應該好多年無去過布袋澳

我平時好少叫螺, 不過呢個辣酒著花螺, 真係好好味

前一日又涷返, 估唔到今日就有溫暖既聖誕日

係呢邊望過去, 頭先行既山尖好多啊

臨走前仲買咗姜味既年糕,
唔駛用蛋煎, 就咁食都好好味
連鉢仔都係$20.
返到去當然又係手痛腳痛

返到屋企先見到連手背位都有個瘀位, 真係前所未見