本來今日下午諗住陪媽咪出街. 點知細路忽然心血來潮想去探路. 我猶豫了一會, 最終還是跟他去.
去到東涌坐3M巴士, 分段收費只要 HK$6. 要入銀唔可以用八達通. 請司機提我地落車, 原來都幾近架, 點解要收咁貴
去到伯公坳都已經係3:30pm.
錯誤1:
我地見到鳳凰徑呢個牌, 諗住已經到咗我地既目的地. 諗都唔諗就上. 我地2個都無諗過仲有另一條路
錯誤2:
我同細路都只係睇呢個牌既字, 我地都發雞盲無睇箭咀啊
我同佢睇完呢個牌都以為去鳳凰山會經過大東山
錯誤3:
最錯既係我. 我跟住有影個map. 但係就無睇內容
一開始就行樓梯,
由340米的伯公坳,
全程石級直上香港第三大高峰 - 869米高的大東山
著咗厚底波鞋都俾d硬石頭攪到腳板痛
錯誤5:
行咗一段, 我講話後面呢邊唔知會唔會見到大佛, 但明明我地既目標就係昂平啊. 我仲
同細路講, 後面係西. 當時細路開始懷疑. 但見方向感比讀書叻既我講得咁有信心, 就把疑慮踢走.
我地都忘記了鳳凰山係大東山既西面
亦都無懷疑點解大佛會係我地後面呢, 傻咗
今日天氣會急速轉涼, 本來我就有好多顧慮
1. 山上會唔會好大風
2. 我可唔可以應付我既畏高症
3. 我地咁遲出發, 宜家太陽早落山, 天黑前我地落山未?
結果今日身子完全不在狀態, 行幾級樓梯要停一停, 完全阻慢進度.
山上又大風, 呼呼聲好超級恐怖啊
條路又無人行.
雖然越上個景越靚
我最後都要投降. 唔知我已經上到幾高, 可能已經上咗一大半就到大東山
落返去既石頭樓梯對我呢個畏高既人仲恐怖, 落樓梯開始腳軟啦
我地係幾時發現行錯路呢
答案係行返去對面巴士站, 見到另一邊入口既map
回程巴士基本滿坐, 有巴士司機示意我地自己行落東涌. 好彩後幾架有一千零2個位
唯有留返下次再戰鳳凰山同大東山, 唔知有無機會無咁大風, 又唔駛晒既時候去呢
原來東涌變晒outlet, 連body shop 都有outlet 啊
返到屋企沖完涼, feel 到隻腳好似做完massage咁咁舒服
最近都少做運動
今朝腳既肌肉當然有痛啦~
前日四嬸先叫我迫自己每個星期做2次運動
希望我做得到啦~
Reference:
米 - 大東山
東涌 -- 伯公坳 -- 鳳凰山 -- 昂平 (上集)
東涌 -- 伯公坳 -- 鳳凰山 -- 昂平 (下集)
No comments:
Post a Comment
想以電郵收到我對您的回應, 記得按右手邊"通知我"