南北果州一日遊1

Update: Aug 17

今個星期多節目, 繼琴日小學同學會, 今日跟友晟去果州群島.    本來琴日仲有公司Buffet Lunch, 不過quit咗份工, 都係唔去啦.  

報咗名之後都擔心天氣唔好, 日晒或雨淋.  再加上呢份工作好忙, 所以無特別call人去玩.   有d朋友後期知道想報名都已經full晒    風浪稍大就難以登陸, 所以旅團一般都在5月至9月的日子.   有人話5月去最好.     仲諗住秋高氣爽去會舒服d

呢個團$120位, 自備午餐, 記帶手套爬山.  

幾個風球係香港附近, 媽咪驚大浪又叫我唔好去.  天氣報告28-34'C.   去唔去好呢?

8:45am 去到尖沙咀碼頭人山人海.  原來有好多團.   乜咁多香港人早起身架

我地個團都有大約80人.  我仲以為係20-30人左右.  好好生意啊

點名個陣聽到好多group都有10人.

之前俾人問南北果州係邊, 其實我出發之前都唔知.  我仲話係西貢對出海面.  原來都唔係好遠.   係平時行釣魚翁對出海面.   由尖沙咀碼頭出發大約個半鐘船~

南北群島沿岸水淺多礁可, 要用大飛登陸.

記得唔好跳落大飛.

一班偷渡客

不過呢d大飛好怪啊, 好多位都無位放腳.  好似好容易跌落海咁~

坐係我地中間既小朋友都嚇親.

領隊今朝開咗船先提我地記得帶身份證.   可能有水警會查偷渡客

因天氣關係, 先登陸北果州~  原來無靚靚碼頭.

一落船就出太陽

印象中呢度好似幾危險, 碎石多, 曾經有人跌死.   連領隊都話好多人無諗到呢到係危險既地方.  不過宣傳都係寫小朋友可以參加

月球崖與遠處既魔鬼岩

地獄岩-六角形柱, 比Ireland既Giant Causeway 直徑大一倍~

西式棺材石

今次既新旅伴. 

好幸福既小朋友~

燈塔

殼仔排

可惜又熱又晒, 人多仲要等排隊落去.    落到去可以望到大灶石~

呢架大飛頭先好似沖上去咁, 好易向後反!   原來做偷渡客都唔容易架

宜家好大浪.  大飛都要小心, 呢程只限4人一船.   上大飛有排等. 

咁多團人, 有個包食既貴團仲無點齊人數就開咗船.  我地個領隊用大mic 高呼佢地架船唔知聽唔聽到, 越開越遠.  唔知最後個d人點算呢?

行山咁多次, 第一次見團友帶豐富既午餐

有鹵水雞翼, 沙甸魚三文冶.....重未見過咁豐富

睇來佢地都係常客, 知道落船個陣可以放底d物品係船上

銀瓶頸

定海神針

旋梯崖

咁大浪都仲有人潛水

抵達南果州

石室 (Rock Chamber) - 好似條路好難行.  唔知我行唔行到過去呢?

大州尾 - 好似天涯海角, d 浪睇落去好可怕.

好似話因天氣關係有4個景點, 我地只係去到2個.

左起3龍口天梯洞, 2龍口迥流洞,

仲有個三叉洞影唔到, 天氣好我地坐小艇可以穿過去.   有人話5, 6月天氣會好d.   當日影唔到既景仲有 - 貓眼洞, 海上小桂林, 花班彩石.........下次要再來

石 拱 門

又再一次驚險~ 

琴晚都攪到好夜先瞓.   好彩來到呢邊變陰天, 無咁辛苦~  

上唔上去好?   爬到上去, 都未必識落返來   唔記得帶手套同膠布去爬山添~

果州灣

南奶頂:

就咁望我都掙扎上唔上去好.   好彩無落雨, 天雨路滑一定好易跌親

上面有個迷你觀音廟.  今日識逢係觀音誕~

除咗呢個景, 仲有一邊有好似馬騮既頭像 (無乜特別無影).