這幾天接咗份 temp 做做. 無諗到居然掛到八号風.
人地就開心唔駛返工,
我就開心可以逗到雙倍工時
好似都係第一次係8号風球下返工~
早上7點想出門個陣就橫風橫雨.
落到去問看更有無見到的士駛過,
看更話都有, 不過就提議我行前一條街等.
橫風橫雨我真係唔知點行. 心入面一直盤算緊行唔行去搭地鐵好.
終於等到一架無載客的士.
本來已經'kum'旗
好彩啱啱紅燈, 停咗係路中間.
司機見到我揮手都肯駛埋同我傾
我: 去唔去會展.
司機A: 要加$30
(上咗車後)
司機A: 我已經加少俾你. 頭先有位女子等的士等咗45分鐘,
我加收佢$50都唔肯, 我都好攰!!! 做咗通宵, 唔想做啦!!!
返到工有同事話等咗半個鐘, 咁我等咗10分鐘咪好好彩
原來我真係算平啦, 有人俾多$50, 亦有人俾多$100. 當然大家既距離都唔同啦.
不過呢個世界都唔係無好人.
同樹: 司機, 你唔好唔加收啦. 八号風球開工, 好危險架
司機B: 咁我加你$20啦
同樹: HA....咁少, 我都係 claim 公數, 你再收多d 啦
司機B加都係有加, 不過只係單照加, 反而找多咗$$$俾同樹
香港仲有咁既人, 真係好難得
本來聽日要返既長工, 今日竟然叫我postpone 到去10月先返,
咁我又有幾個星期假期, 等我又諗下時間點用先
ReplyDeleteIP)Yiruma - Kiss the rain - yiruma