Wednesday, February 25, 2009

沙巴飲食之旅（Day 1） - Seri Selera大排檔食海鮮

Feb 25, 09 (Wed)

去唔成Tasmania, 結果去了提咗應該有2年既sabah.    第一次去應該係2001年既事.  當時维珍business flight 送咗個Sabah package.   當年我基本上只係係酒店hea, 同出市區行街.   沙巴俾我既印象係當地既天氣好舒服, 同埋食海鮮好美味 :x

我好少encore同一個旅遊點.    最近公司多咗位煩人, 實在唔想留係公司, 所以先有今次既行程.   一如所料, 如果留係公司, 我相信忙死自己之餘, 都唔知自己做過乜,

3:55pm 起飛,

  • 明明一到lunch time 即刻熄機走人.   
  • 返屋企前走咗去買怕蚊水, 因為琴晚係forum見到有人話一d景區有需要.都係要準備.  
  • 返到屋企媽子又準備咗幾多好好味既菜式...... 慢慢食   
  • 去到香港站又等咗10幾分鐘先開車.
  • 都要賴海倫俾咗張66折既機鐵coupon我, 等我成日覺得有大把時間

結果2:45pm才施施然到機場check-in .   我仲要攪台證啊.    好彩check-in counter 都唔駛排隊.  去到counter唔駛拿籌等幾分鐘就令到.  好彩Gate又近, 一個鐘內上埋機, 真係無見過咁靜既機場.

宜家過關要過幾關啊, 咁複雜既?  人工咪多咗





出發前check weather forecast 連續10日都係thunderstorm.  馬拉人唔係話2月係最好天氣mee?     雲層好厚, 好擔心啊




又話馬航full 咗, 點知馬航都係同港龍聯營, 仲有好多位.  點解我要俾貴d

我地package包接送.  另一組人竟然係第6次去sabah    沙巴有無咁好玩

好熱啊, 原來今日係最熱既一日, 好彩我地唔係早幾日出發.  唔通當年涼爽既天氣因global warming 唔會再有

一放底行李就撘酒店shuttle出去揾野食, 第一日就食Central Point 附近既Seri Selera大排檔海鮮  (@ Sedco Square).  導遊話雙天貴咗好多, 介紹我地去食古村.   仲有網友介紹既珍珠.


坐係大排檔, 有人會 sell 蠔餅、燒雞翼、沙爹串燒.......

Satay （RM$1.2一串）一般, 個花生醬唔夠味.



雞翼（$1.5一隻）好好味　　可惜成個trip都無機會再encore




鐵板燒魔鬼魚好好味- RM$24條. 




魚肉上層加埋面既sauce有d辣, 不過好好味.  底層部分有葉味同燒味, 無面既咁好味.  

好似好細條咁, 3個人食極都食唔完




海鮮方面我地去咗華興食。　　睇海鮮好似靚d平d.   我地去到都差唔多９點，　可能其他餐廳好嘢都俾人食咗。



椒鹽瀨尿蝦（RM$80）好大隻不過唔好食, 整法同香港既唔同。  個度仲要係用腐乳sauce, 好怪 華興可能唔係華人整，　sales都唔係好識講中文。　唔知其他間會唔會好味d.



東風螺一斤 (RM$25)個樣同香港d螺好唔同, 好大隻.  不過好好味.   仲有點辣既sauce都好味.　　又係好似食極都食唔完，　應該叫半斤夠啦



馬拉盞炒薯仔菜 (RM$15) 都好好味, 不過好多油.



本來想叫竹筒麻辣牛筋, 不過見資料話難食, 無叫.

好大個椰青 (RM5).   味道ok啦~


桔仔冰, 記得提少甜 (RM$2)


3人海鮮加飲品共RM$141.9.   連小食就RM$174.

行陣街先返酒店。 楊協成既Aloe飲品，　仲有冬瓜茶。   香港無見過呢d口味.








的士RM10 回酒店。　　

當晚有人食得太飽瞓唔到

Forum / Blog 其他人既comments:

  • 濕奶油老虎蝦蝦肉彈口奶油正
  • 炒貴刁味道也不錯。
  • 濕奶油老虎蝦蝦肉彈口奶油正！ 炒貴刁味道也不錯。 珍珠海鮮酒家晚飯, 叫了虎蝦刺身四隻,非常彈牙及鮮甜, 另點了奶油虎蝦八隻,D奶油味道做得非常好拿來撈飯簡直一流,白灼跳螺很鮮超正, 獅蚶炒貴勺很野味,竹筒麻辣牛肉及牛筋很難食,竹筒雞味道可以但雞肉好(鞋),清蒸野生筍殼魚必食推介,魚肉很滑又少魚骨,野生七星班刺身,肉身很爽很鮮,但可惜冰溶得太快,魚頭及魚骨拿去煲酸菜豆腐湯很好飲,豉椒炒鹿肉還可以,蒜蓉蒸元貝好厚肉唔會老,豉椒炒黃鱔無骨淡淡肉正呀, 桔仔冰亦有兩款,一款係普通的,另一款係把桔仔攪碎但很酸,都係原味好飲些

行程:
標籤：

No comments:

Post a Comment

想以電郵收到我對您的回應, 記得按右手邊"通知我"

Subscribe to: Post Comments (Atom)