地震後既工作

看到四川後既災情，　不期然令我想起台灣.   台灣到現在依然有好多地震後塌荒．雖然話中國發展一日千里．　不過要還原, 恐怕要好長.........既時間．

同大陸一樣，我地都見到台灣有好多乾涸既河流，　唔知一d被封鎖既區域，會唔會有新既旅遊景象出現

繼股災, 山東火車禍,  雪災, 暴動..... 今年大陸真的是多災多難.  上次巴西地震我都有想過地震的另一邊會係邊度震, 估唔到係中國.   希望有方法可以預測地震, 減少人命的損失

12. (Day 4) - 尾站基隆

今日下午變咗我開車, 我都成年幾無開車,  開咗半日車後都feel到腳攰.   呢架車同爸子以前既老爺車好似, 令我懷念.    由於時間唔夠, 我地都無停係東北角.  只係不停開車.   無機會親近東北角既美景.  東北角好漫長, 結果都係唔夠時間去九份.   早知就直接上highway 返台北, 又miss 咗胡椒餅, 又無機會去漫畫店買朋友託既漫畫同去書店.    我上次去九份係夜晚去, 似乎日頭去會靚好多.  我另2位朋友就未去過九份.  下次再來啦.   

其他各位台灣朋友, 抱歉今次無機會見你地啦.   期待下次有機會再來玩.

仲有約一個鐘時間, 我地繼續殺去基隆, 當然為咗食嘢.   返到基隆, 當然俾返艾力開車, 我最唔鍾意係繁忙既地方開車.

琴日係花蓮食唔到豬腳, 今日我來了  仲有番薯苗, 以前無人食既嘢, 宜家變咗貴價菜.

11. (Day 4) 花蓮

係花蓮唔知住邊, 問咗幾間都話full 咗.  最後跟據GPS既情報, 住馬太鞍驛棧.  本來諗住去花東縱谷既鯉魚潭睇螢火蟲先, 初時擔心唔知宜家係咪識合睇螢火蟲既季節.

http://www.erv-nsa.gov.tw/event/080416/index.htm

酒店老板話佢個度仲多, 唔駛去鯉魚潭.   佢可以帶我地去.   無諗到酒店好遠呀, 開咗1個鐘頭車先去到.    不過錯有錯着, 我地有機會見識台灣既鄉下.  一路南下都好清靜.   如台灣電視介紹, 最多都係檳榔店, 車開得快, 都睇唔到有無靚女睇檔.　　呢邊東邊唔知點解黑得好快，　未到７pm已經好黑．

中間仲有間好多人既豬腳店, 不過趕時間睇螢火蟲, 唯有忍口唔食.　　

去到酒店, 係餐廳食緊嘢既人聽到我地要去睇螢火蟲, 都話要去, 結果就形成4架車隊一起旅遊  去到山坡邊, 所有車停晒到, 老板叫所有車熄晒車頭燈.   我地開始見到一隻螢火蟲係眼前飛過.   到我地隻眼適應咗黑漆漆既環境後, 先發覺成個山頭都係螢火蟲啊   我同花花呢d城市人都係第一次見螢火蟲喳.

原來傍晚係螢火蟲既交配時間, 7, 8 點係最好睇螢火蟲既時間.   揾到佢地既另一半後, 佢地既光就會慢慢消失.  老板仲兜咗一個圈, 做埋導遊介紹周邊既景點.  老板話可以去林田山, 仲有溯溪, 秀姑巒溪泛舟.........可惜我地聽日要走啦, 無機會繼續遊覽附近既景點.    

http://038326444.travel-web.com.tw/

老板俾咗6人房我地, 收3人房既$$$.  電視台既記者都係住係度.

10. (Day 3) 布洛灣 / 花蓮

呢個景點 - 布洛灣 - 唔係路邊, 要繞上一小段上山路.

http://www.leaderhotel.com/blw/about.html

9. (Day 3) 太魯閣國家公園

從天祥一直走仲有好多小景點, 時間關係, 我地只係去咗幾個景點.   出發之前大家都話我地時間太趕.  不過要係有限既假期, 又夾到人去, 已經好好啦

呢個係岳王亭附近.  一路上都有好多吊橋玩

8. (Day 3) 白揚步道

出發往台灣前一天收到Val 的資料, 建議我去白揚步道, 路很易走, 老少咸宜.  

• 全長: 　2.2公里
• 需時: 　來回連拍照約3個小時
• 攜帶:　雨衣 / 雨傘, 手電筒

白揚步道入口於酒店往合歡山方向，約860公尺

7. (Day 2) 神木

下一站....不過呢度係台灣, 唔係日本

6. (Day 2) 合歡山

幾位台灣朋友都話合歡山好靚.  冬天亦係看雪景既地方.  不過要遇上好天氣, 聽講話好困難.

離開民宿時, 佢地己經提醒我地上到合歡山會越來越大霧.

5. (Day 2) 食泡麵

講起食乜嘢, 我話食乜都無所謂, 泡麵都得.  估唔到大家都和議  好彩馬上停係7-11食嘢, 再行落去唔知食乜

呢間7-11好靚啊, 仲有好多窗口位添   連洗手間都齊備

4. (Day 2) 清境農場

雲霧慢慢散去, 估唔到來到清境農場居然出太陽  唔通海倫唔來, 我地會幸運d  

Weekday 入場有特價,  一般: NTD100, Weekday - NTD80

不過有剪毛show 要weekend 先有得睇.

其實我地去咗瑞士

3. 清境香格里拉音樂城堡

從盧山開車約30分鐘 (12km) 就到我地是日既民宿.

http://s-villa.network.com.tw/

繞過彎彎曲曲既山路, 更險的是轉入民宿區一條非常狹窄既單線小路.  如果前面有車, 這兒根本連back-up都非常困難.     在黑漆漆的環境下, 坐在車頭的我都感到害怕.   不斷繞呀繞, 9:30pm終於到了我們的民宿.  

一進大門我地己經走錯方向, 提了行李上樓梯, 才發覺reception 不在這邊.  

一入房門, 要學日本人用拖鞋.  仲要係雨摭牌.

出發之前我己經看了些旅遊資料, 知道呢間民宿好靚.   不過一打開門, 都要哇哇聲 

2. (Day 1) 盧山溫泉

過咗霧社有分叉路, 一邊去清境 (7.7km), 另一邊入盧山 (6km).   車路無街燈, 沿路都係黑漆漆.   可能係平日既關係, 都無其他車係路上.   只係見到山上有燈, 同遠處山谷下既燈.  估計山上面就係我地今晚要住既清境,  下面山谷就係盧山.  

沿住山路繞來繞去, GPS不停說:

前面一公里......前面2公里.......前面一公里......前面2公里.......

乜GPS係度點同點既距離, 唔係度路距mee

好嘈呀

大約7點到盧山, 估計一路下去我地無機會去浸溫泉, 見有時間, 就在這兒泡一泡. 

一入盧山, 2旁有好多商家 sell 住宿.   艾力話上次weekend來, 都無人理佢   入多少少就無車路, 要泊車行入去.  個停車場好細, 都唔知weekend d 人點泊到車. 

同北海道d溫泉區好相似, 又係係山谷, 有河流同橋.  我諗日頭來應該會幾靚.  原本艾力話要住盧山d溫泉酒店, 不過我都係想住清境民宿.   係到住就可以睇埋日頭既景色.   下次再來罷  

艾力仲話前年冬天一次住盧山，在民宿屋頂搭帳蓬，第一次享受晚上露天泡溫泉看星星，結果半夜下雨還打雷，帳蓬又漏水，當時很氣又怕被雷打到，但現在回想起來也好玩。   叫我地再住多一次, 想都別想.

1. (Day 1) Taiwan 霧社

今次又有新旅伴.  諗咗好耐點樣用埋最後2日annual leave, 四月頭同艾力講開佢要返台灣, 佢又想旅行, 就叫佢車我去台灣中部玩    問咗幾位朋友, 估唔到大家都對台灣中部好有興趣.  可惜車位有限, 無法再加人啦

咁遲先決定去台灣, 港龍既特價機票一早full 晒.  Cathay又要成$2000, 只好放棄換Mileage, 搭長榮 - $1500 + tax.  今次係我第一次搭長榮.  又唔駛好似港龍要早機去, 晚機返.  我地都唔想玩得太累.  問咗係Cathay做既朋友, 佢都話長榮既機ok.  媽子最唔鍾意我去台灣, 台灣有地震, 又常有嚴重車禍或飛機出事

我地上網申請Visa, 再係香港機場拿.  不過都要等, 結果我地入到gate都要上機.  台灣機場依然無進步, 過關都仲係咁慢 ~ 我地今次對台幣係3.7x   我都有2年無去台灣.

艾力係台北機場接我地, 第一日就直接南下清境.  個大頭蝦仲唔見咗張停車票, 第一日就有penalty, 恐怕我地跟住落來要食McDonald

台灣既電信網絡.

艾力借咗佢媽子既車, 我都係第一次見台灣人咁迷信架.  都好彩有GPS, 唔係某人實走錯路