3. 清境香格里拉音樂城堡

從盧山開車約30分鐘 (12km) 就到我地是日既民宿.

http://s-villa.network.com.tw/

繞過彎彎曲曲既山路, 更險的是轉入民宿區一條非常狹窄既單線小路.  如果前面有車, 這兒根本連back-up都非常困難.     在黑漆漆的環境下, 坐在車頭的我都感到害怕.   不斷繞呀繞, 9:30pm終於到了我們的民宿.  

一進大門我地己經走錯方向, 提了行李上樓梯, 才發覺reception 不在這邊.  

一入房門, 要學日本人用拖鞋.  仲要係雨摭牌.

出發之前我己經看了些旅遊資料, 知道呢間民宿好靚.   不過一打開門, 都要哇哇聲 

樓下係大床, 樓上有2張小床.  我同花花對每一個角落都唔放過, 乜都影餐飽.  連台燈我地都影咗好耐   所以我同花花今次旅程每人都有成千張相.  不過我今次用咗1600 x 1200 來影, 所以相既質素實在.  返到來好後悔
我地既超豪民宿, 美中不足係張床比較軟, 同大酒店d床都係無得比.

房間入面有一套Audio System 同目錄, 可以問民宿借CD聽.   右手邊相既白色包包有晒toothbrush, shampoo, lotion....... 我地都係靠暖爐晒乾衫.  當初仲怕晚間山上會凍, 好彩都唔會啊!  來之前都唔知應該帶乜衫.

房內的物品都非常精緻.


 

房內仲有酒店既啤牌, 原來都印有景點既相片,  又靚, 又有紀念價值.  細路仲叫我幫佢係機上拿啤牌, 宜家有souvenir俾佢啦

樓上樓下各有露台, 樓下既露台好大呀

民宿於10pm關門.  是晚包一杯飲品, 我地趕緊飲返杯 Champagne.

餐廳內有天窗啊, 可惜無星星, 晒咗咁靚既地方.

花花你影得好靚啊, 偷你d相先

晚上肚餓民宿仲有泡麵  如果晚餐係民宿食, 會車去佢地另一間民宿 - 空中花園食, 聽個名己經好吸引

音樂以外, 我當然唔會放過書.  係餐廳拿了呢本書同台版一週刊返房睇.   花花後來話我知呢邊唔係書面   豆漿瘦身法我第一次聽, 我又成日飲, 可信性好低啊

仲有台版一週刊, 越睇越3級, 原來香港既已經係好小兒科啊



第2朝起身望出窗外, 好失望呀   仲想睇有無機會睇到日出. 

當初決定去台灣時就擔心4月份的天氣   出發之前check 過 Yahoo Weather, 第一日同第四日會天氣差, 中間2日會有太陽.   結果成程同 Yahoo 預告差唔多. 

房內有咖啡機同新鮮咖啡豆, 估唔到係度都可以咁忙  d cream 既包裝係用唔同既生日月份水晶

d 霧仲入埋 reception 處.

成個trip最美味的早餐.   個湯好好飲啊  飽下面仲有薯仔同Bacon, 好豐富 

工作人員都好辛苦啊, 琴晚10點後先收工, 今日一早又幫我地整早餐

朵花仲有好多玩法, 隔離台個男仔玩到頭飾上

仲有好多茶包選擇, 上面細包既Lemon & Lime Tea好香．

小妹妹仲有d食相好可愛, 可惜無影到

繼琴晚後, 我同花花又開始不停咁影日頭既超豪民宿.  結果係煩擾自己, 因為選要post既相用咗好多時間.

似唔似英國古堡咁鬼異








今次去唔到阿里山, 都可以係度睇到雲海啊

呢堆係我同花花既傑作  見到人地影水珠相咁開心, 我又趁機會試下影.  不過都係花花既 Panasonic 機比Canon 既 focus d.

d雲霧開始散啊

聽講民宿係老板自己裝潢, 唔知d石頭係邊度搬來, 係咪用山上包含海洋化石既石頭

呢條就係琴晚好危險既窄路.   好彩我地最後掉轉咗行程, 如果weekend 來, 實塞死, 簡直唔可以想像點樣走  第時仲話要開放俾大陸遊客, 咁要係陸遊客蜂窩來之前玩晒台灣先  真想像唔到到時台灣d山路同酒店可唔可以應付咁多遊客


清境仲有好多靚民宿.  聽講音樂民宿既老板已經開始建第3座民宿, 下次要好天來啊!!!!

http://chingjing.network.com.tw/

行程:
1. (Day 1) Taiwan 霧社
2. (Day 1) 盧山溫泉
3. 清境香格里拉音樂城堡
4. (Day 2) 清境農場
5. (Day 2) 食泡麵
6. (Day 2) 合歡山
7. (Day 2) 神木
8. (Day 3) 白揚步道
9. (Day 3) 太魯閣國家公園
10. (Day 3) 布洛灣 / 花蓮
11. (Day 4) 花蓮
12. (Day 4) - 尾站基隆