梧桐石澗3

井底瀑上少少就係第2站.  中瀑, 又叫馬尾瀑

估唔到香港都有靚瀑布,  阿爸琴日先講話要用相機, 我只好用返400萬像既舊機, 好彩都影得唔差.  係影人個陣閃光燈要等好耐, 皇阿瑪, 你先堅持住個笑容先

返到屋企睇返阿添以前去既相, 佢仲有帶遮行埋去瀑布影相, 真聰明

哥仔, 小心呀

離開中瀑以後, 條路好艱辛, 陣間點返落來 好擔心. 

但願我是一隻小小鳥, 想要飛呀飛

或者變成一隻猴子, 可以好敏捷爬上山

點解你坐咗係度

  原來前面好似無路一樣, 好險, 我地好唔好放棄最後一站

後面班人跟上來了, 有主將出馬, 又可以繼續行, 不過畏高既我好驚呀  有無人可以抱我呀
終於來到最後一站, 不過同路牌時間有出入, 我地從中瀑用咗差唔多45分鐘先到

我都唔知香港有咁長既瀑布.  之前仲諗住係好細既瀑布, 無諗過d瀑布一個接一個帶來驚喜.  夏天多水應該仲好睇.   不過夏天行太熱啦. 

大家小心    相機.   有人開餐啊, 仲有罐頭食品添

再上就係山泥傾瀉既位置, 有2個人上咗去, 無見佢地返來.  唔通佢地攀過山泥傾瀉過去, 好犀利.  我仲要擔心陣間返轉頭點落去.   雖然條路唔算長，　但d梯級好細，　有d又高又險，好難行．　我用咗好多力雙腿, 宜家好攰好攰好攰.......開始落山個陣已經企都唔穩，行一步都腳軟 ．   無平衡力, 又畏高既我, 有時都要一級一級坐落去

好靚呀, 到底係樹葉印, 定係鞋印.   四點幾都仲見到人上山.

太陽落山啦,  雖然辛苦, 但我咁大個人都係第一次係香港睇瀑布, 仲乎合咗皇阿瑪要刺激既要求.  都值得來.  不過下次再來我要諗諗先

好肚餓啊.  Lunch只係食咗碗粥.  不過朋友趕時間, 都係要出返去先食.

我地都用咗個半鐘從主瀑出返巴士站. 由入去到出來用咗4個鐘. 梧桐寨下一個站就係嘉道理農場 本來都有諗過行完山再去, 我幼稚園後都未去過. 不過今次無時間啦, 列入下次行程中.
係巴士落樓梯都腳軟. 好彩聽日仲有星期日休息. 去咗大埇墟街市食dinner. 蠔餅賣相唔錯. 不過雞蛋既味道蓋過咗蠔既味道. 都好多油

食完飯行咗一陣, 去到間文具店買咗公仔label.  雖然屋企仲有, 都忍唔住手買. 

個度d原子筆要$10支, 好貴呀.