小病速變大病

從廣州回來的晚上, 塞在棉被下的我居然打冷震, 心諗這次要病了.  第2朝一起身先來痰.  有諗過請病假, 但見痰都吐了出來, 病情應該唔嚴重.  而且咁多日無係公司, 再返埋個日又係復活長假, 都係返工做嘢.  下午自己知自己事, 都係趕緊睇醫生.  不過老闆開會咁耐都未完, 結果都攪成四點幾先走.    

好難得去到醫生處無人.   姑娘仲自動自覺寫 receipt.   我差唔多返到屋企先醒起唔記得拿醫生紙.     我同醫生都諗住係小病, 醫生有問過我有無咳, 發燒, 要唔要其他藥.  我諗住只係一般既小傷風, 無要其他藥.     醫生仲特地開多一日傷風藥俾我.  點知到晚飯我就開始腳軟, 瞓個陣仲發燒.

呢幾日同仁堂都減輕唔到病情．　全身都感到痛, 好需要massage.   仲諗起自己最近跑來跑去都忘了食Vitamin C.

第3日傷風好好多, 不過就轉咗喉嚨痛, 講唔到嘢.  難得復活節長假, 卻要滯留在家中.   連天都下大雨, 點都無機會行山．

思考過這次染病的理由:

1.  細路話會唔會係佢傳染俾我   唔多似，因為我返來後同佢接觸既機會只有幾分鐘.

2.  人太攰?　在廣州淋雨，現在才發病．　那我要感激返到香港先發病

3.  Jo-an　叫我唔好食雞．　我才醒起我在廣州最後一餐食咗 Chicken Burger.  唔同就係個飽累事, 中咗chick flu?

定係咁多個原因加埋一起，　形成大病