放長假的第一天

曾經想過如果俾公司lay, 自己會去玩一個月先.   發生當日返緊大陸, 搭緊既深圳往東莞火車剛剛開車, 就接到老板電話叫我馬上返office.   

返到公司, 知道公司搬上大陸.  每位同事都會收到一個靚靚既粉紅色膠袋, 先 pack 好自己既嘢.  然後再令埋d嘢見鬼.  鬼跟住會話俾你知 u have to go or u can stay ~     我好少放嘢係公司, 所以10幾分鐘就 pack 好.   

我無唔開心, 反而覺得relax.  因為攪咗咁耐終於發生. 不過都諗唔到有d同事咁感性會哭不成聲.  希望佢地各自加油啦

我加入公司既時候, 公司為咗保障自己, 我地有d同事簽咗2個月notice 既 contract.   人算不如天算, 最後唔係又要賠多d    可笑既係仲要一d身居要職既鬼佬directors睇住我地執野, 咁唔相信仲留係公司既人, 又點令到下屬甘心幫你做野~

可惜宜家唔係一個好天氣去Croatia or New Zealand or South America.    我都係去唔成長trip.

第一日放假, 我地成班無工開既同事就去咗行山. 
3劍俠~

仲有沙菲奧陪我地添.   沙菲奧午餐時間.   我上次見沙菲奧佢啱啱滿月, 估唔到眨下眼大咗咁多.   因為有佢架車車, 所以平時行3個鐘既路, 我地行咗4個半鐘啊.  沿途仲見到好多隊退休人士

沙菲奧差唔多陪足全程, 去到尾先瞓着
原來佢唱歌既時候會掉嘢出車, 好彩媽媽好快發覺, 先救返隻鞋仔

本來想行完山 BBQ, 不過無人考慮過BBQ weekday 開唔開.  好彩早一晚劉同學提醒.  朝早打去問先知要有20人先開.   結果我地入去石澳食泰國嘢.  我都好幾年無去過啦.   d嘢仲係咁好食

Platter (small)

青curry - 我地仲當咗係椰子雞湯.   lor 成碗先知係辣湯呀

呢個先係椰子雞湯 - yummy.  可惜有同事唔食得辣, 好想飲冬陰公~

咸魚炒芥蘭 - 無乜咸魚味~

濕炒牛河

Naan Bread - 太少啦, 都唔係太好食

Garlic Bread - good

Satay  5pc or 10pc   比沙巴個d 仲好味.   我地仲 encore 添.

豬頸肉一般~

炸蝦餅 - 好味

雞翼 - 好味

原來沙菲奧成日偷望我地架   加 lime soda 1 jar.

佢好開心啊

6人每人約 HK$120.