http://www.hkst.com/fileshow.asp?id=1520
之前同愛麗絲提過幾次. 聽人講個馬戲show好好睇. 一直聽到d房幾個月都book唔到. 一問之下居然有房. 即刻報名. 唔安排下d節目, 我又會係屋企對住部電腦
希望天公做美
朝頭早一起身見到咁既天, 心都涼晒
.
我地可選搭船或坐車, 咁緊係搭船啦. 2個鐘船去蓬花港. 再坐40分鐘酒店車去酒店.
酒店門口都有d靚花.
我第一次見呢種植物.
媽子要加油! 將我地既花架整到咁 colourful
我原先諗住會全程stay係酒店, 可能會悶. 好彩愛麗絲有帶廣州旅遊書. 我地可以出去祈福食街食嘢. 酒店叫既都係白牌車, 仲以為會貴d, 結果返來坐正牌的士都係差唔多價錢 - RMB$30. 約10分鐘車程.
途經長隆歡樂世界. 垂直過山車啊
祈福食街 - 都好多choice. 開到零晨2am. 我地楝人多既地方食客家菜.
估唔到冷盆筍菜咁大碟.
可樂豬手一般, 豬手比較硬.
出奇地咸香雞好有雞味啊
香蕉飛碟 - 又係熱氣嘢
仲有碟客家豆腐, 不過落晒肚lor.
仲送豆腐花添
我地係祈福行咗一陣, 都係supermarket最多嘢睇. 係祈福睇咗一套3層獨立別墅要RMB120萬, 不過都好舊啦!
酒店浴室d杯都有長隆標記.
露台係好大, 不過......... 初時見套票咁平都擔心架. 原來酒店做緊擴建工程. 要由300幾間房增至1000幾間房
我地對面房望泳池, 好好多. 不過酒店d人話來緊都爆房.
下晝好快就落大雨同行雷閃電
夜晚出去睇show前好彩細雨咗. 係酒店正門影呢張相突然見到好長既閃電, 嚇咗一跳
.
馬戲show 7點半開show. 都要早d去霸位, 人好多. 有支螢光棒好靚. 個show唔俾影相. 有d節目同以前一樣, 有d係新加, 個show好值得睇啊
都見到好多團住係出面d酒店, 要走入來睇. 如果要我住係廣州, 走入來睇, 走來走去, 實攰死.我地lunch成3點先食完. 所以等到節目完先食dinner. 的士夜晚要收我地RMB$40出祈福, 我地只好留係酒店食.
父親大人叫咗個沙爹瑤柱南瓜甫, 又沙爹, 又南瓜, 我仲諗住唔好食. 原來都唔係好沙爹, 個 sauce 好好味, 送飯一流. 唔係好大碟, 不過都啱啱夠我地食
. 
野菌燒汁牛柳 - 我都好耐無食牛柳. 都出奇地好味. 一舊舊個d唔係薯仔, 係菇來架. 好好味
姐姐仔仲話我地4人叫3個菜唔夠. 都夠我地食啊! 價錢同搭車出去食差唔多
呢個就係酒店入面老虎住既地方. 雖然好靚, 不過唔夠地方俾老虎跑.
佢地實在太可愛, 我不停影咗好多老虎相
現場睇佢地同貓好相似呀! 食早餐既地方亦係對住老虎, 佢地居然無瞓覺, 仲周圍行
我地離開酒店之前先發覺有喂飼時間. 我地幾次去都係喂飼時間之後, 唔怪得d老虎都無瞓覺. 原來啱啱食嘢. 次次都錯過咗添. 好似話係由屋頂掉食物入去
d老虎公仔都係咁可愛
酒店除老虎外, 仲有好多Flamingo. 橙色同粉紅色既都咁靚. 夜晚個show都有好多flamingo, 我仲諗到底點樣係酒店搬Flamingo出來, 睇來呢到有好多flamingo.
第2朝無嘢做去游水. 今朝無人游變咗我地既私家泳池
不過水好冰凍. 游咗一陣父親大人頂唔順唔游. 晒咗咁靚既泳池. . 泳池唔比影相, 如果唔係由最裡面影過來間酒店好靚. 咁大個泳池都乾淨好難得.
返到房播緊大話妹大結局, 等我睇完都差唔多一點. 琴日同咗酒店講2點鐘 check-out. 令埋行李落去食飯. 落到去估唔到好多人排隊啊! 唔記得咗今日星期日!!!
Lunch以點心唯主． 我地唔想食點心． 叫咗琴日見到隔離台食既大明蝦伊麵. 本來要encore沙爹瑤柱南瓜甫．不過叫咗３次，姐姐仔先發現廚房無落order
最後叫咗d 點心．餃都幾好食，腸份麻麻． 最好食係藍山咖啡糕
． 都好彩沙爹瑤柱南瓜甫無來， 先會叫呢碟． 本來仲想打包返屋企，廚房話驚我地返到屋企溶, 唔建議買返去． 可惜可惜~
返到碼頭見到蓮花山原來係附近, 聽講幾靚. 回程既船有一個大團， 都包咗半架船， 未試過搭船咁嘈呀！
下次要約人去長隆水上樂園 - yeah~
No comments:
Post a Comment
想以電郵收到我對您的回應, 記得按右手邊"通知我"