大自然素食

皇阿瑪突然約食飯 , 我仲以為佢 send 錯 message 俾我.   原來佢今日又 last day.  看見身邊的幾位朋友都做得咁辛苦 , 心諗自己都萛幸運 .  希望皇阿瑪早日搵得好工 . 
原本諗住去灣仔食東方小祇園, 西西里搵到間銅鑼灣黃金廣場新開既大自然素食 .   佢仲有coupon添.    訂咗台.    唔知係咪新開, 人唔算多.  黃金廣場d餐廳我間中會去, 貪個度容易搵位.   d位都好闊落, 唔會太迫.


一坐底就送上番茄同五彩雞絲粉皮.

皇阿瑪仲做咗點綴添

佢地有張套餐紙.  好彩我地叫部長介紹, 結果佢推介既美食, 大部份餐牌上都無.   聽講太子個間都未必有得食.

餐廳極力推介原隻椰青燉翅.  我地見叫咗好多嘢, 驚食唔晒, 叫咗一個試. 

都唔少wor, 都分到3碗.  部長話幫我地搵咗個大既椰青, 夠我地3個人用.  睇落好似豬肉, 我都食唔出用乜整.

銀魚仔山蘇菜 - 山蘇菜來自台灣, 好爽.   銀魚仔好好味.

招牌乳豬配自製包 - 呢碟係我地見到人地叫, 好吸引又跟住叫, 都唔理食唔食得晒.  食住先, 食唔晒打包!  D飽係熱架, 好好味.

雜錦壽司拼盤 - 明明係食齋, 點解有日本嘢食???  呢d都係齋啊!!!  係咪好似呢.   最好食既係細既紫菜卷

我原本好想食香芒壽司.  不過部長介紹咗雜錦壽司拼盤,  我只好留返下次再來食.  見到人地既食物經過, 我地都諗好唔好試多幾樣菜式

老板咁啱出來, 可能見我影相.   話送Tempura俾我地.   前面個塊葉同金菇好好味啊!!!  長條係麥麵, 食得架! 

間餐廳開咗一個月.  老板話下星期搵咗雜誌來做推介.   佢地餐牌上既食物同一般餐廳差唔多, 估唔到餐牌以外咁精彩

我地諗過唔食甜品, 不過睇咗餐牌都係得一款選擇 - 合桃糊, 仲要$22.   本來諗住唔食.  部長行過, 又送咗西米露, 多謝晒!!!  

前幾次出去食都發覺d餐廳無晒service.  呢間係由頭到尾都不停有招呼

今次咁好記性, 都係因為記得影底張點菜紙

見到d嘢食咁吸引, 我地點菜完全唔諗cost la... 6碟 (其中2碟係送既) + coupon 都只係$321.  諗唔到咁扺啊  飽到第2朝啊

部長仲送咗coupon 俾我地, 要約人來啊 :)