再見巨無霸大電視

我地用咗10幾年既巨無霸大電視, 終於都要被淘汰.   之前突然收唔到電視, 搵咗師傅整咗幾次.   最後一位師傅仲俾咗 $1500 換零件, 因為諗住新電視既質素無舊電視好, 仲可以等多陣希望等到出好既, 功能齊備既高清電視    .   無諗到越整越差.  最後部電視仲出咗好多鬼影, 畫面差唔多黑晒.   無奈都無得再等要買部新既.

我地買個陣又掙扎要買36” 定40”LCD電視  價錢差唔多.  最後都買咗部Samsung 37”電視.  貪佢底有得轉, 食飯個陣可以轉向飯廳, 轉個陣應該啱啱夠位.  

 

師傅要送貨第2日先來安裝.  我放工回家後就急不及待研究點樣開箱.  個箱既設計好聰明, 類似天地蓋, 只係2邊用塑膠塊撐住.  塊塑膠按埋就可拿出.  不過一定過唔到我地公司既drop test.  開機後已有預設程式好容易就set好.  聽日唔駛留係屋企等師傅來, 可以去行山.  不過感覺上畫面比舊電視細  唔同台既聲線有大有細, 每次都要調校好麻煩.

 

今日行完山返來, 阿媽話原來自己未set好畫面既size, 細路已經攪掂咗.  唔怪得之前覺得個畫面怪怪地啦